Առաջադրանք․ 2

1.      Գրիր մեկ բառով:

·         ճահիճներով պատված- ճահճապատ

·         նոր տնկած- նորատունկ

·         մանրէներ ծնող- մանրէածին

·         նվեր տվող- նվիրատու

·         մորը սիրող- մայրասեր

·         նուրբ հնչող- նրբահունչ

·         մարդկանց ատող- մարդատյաց

·         շահույթ բերող- շահութաբեր

·         մաքուր գրած- մաքրագրած

·         շեկ վարսերով- շիկավարս

·         միայնակ կյանք վարող- մենակյաց

·         շատ շնորհներ ունեցող- բազմաշնորհ

·         մեգով պատված- միգապատ

·         ինչքից զուրկ- ընչազուրկ

  

2. Տեքստը մեկ նախադասությամբ փոխադրի´ր:  

    Սըր Ուոլթըր Ռլեյնը (անգլիացի պետական գործիչ և ծովագնաց) Ամերիկայից Անգլիա բերեց երկու բույս՝ կարտոֆիլն ու ծխախոտը: Հավանաբար, նա Անգլիայում առաջին ծխողն է եղել:Մի երեկո, երբ աշխատասենյակում նստած իր ծխամորճն էր ծխում, հայտնվեց ծառան՝ մի նամակ ձեռքին: Վերջինս ծխող մարդ երբեք չէր տեսել և կարծեց, թե տերն այրվում է: Նա նամակը գցեց և ահաբեկված դուրս վազեց՝ գոռալով.
-Տերս այրվում է, տերս այրվում է, ծուխը դուրս է գալիս նրա քթից ու բերանից:
Հետո շտապ մի դույլ ջուր բերեց և տիրոջ վրա լցրեց: Վերջինս չհասցրեց անգամ բացատրել, թե  ի´նչ է իր ձեռքինը:

Անգլիացի պետական գործիչ և ծովագնաց սըր Ուոլթըր Ռլեյնը, որը Ամերիկայից Անգլիա էր բերել երկու բույս՝ կարտոֆիլն ու ծխախոտը, և հավանաբար Անգլիայում առաջին ծխողն էր, աշխատասենյակում նստած իր ծխամորճն էր ծխում, երբ հայտնվեց ծառան՝ մի նամակ ձեռքին, և տեսնելով, որ ծուխ է դուրս գալիս տիրոջ քթից ու բերանից, շտապ մի դույլ ջուր բերեց ու լցրեց նրա վրա, իսկ վերջինս չհասցրեց անգամ բացատրել, թե  ի´նչ է իր ձեռքինը։

3.Կետադրի՛ր նախադասությունները:
Հույները ծովերի աստված Պոսեյդոնին եզ էին զոհաբերում՝ որպես ջրային տարերքի հզորության խորհրդանիշ:
Քարակերտ ու կղմինդրածածկ փոքրիկ տունը՝ որպես շքեղ ապարանք, առանձնանում էր գյուղի խարխուլ տների մեջ:
Նկարահանող խցիկի մոտ անփույթ կանգնած էր Ջեկը՝ իբրև իր արժեքն իմացող անփոխարինելի օպերատոր:
Տուփից ուղիղ դեպի կինը դուրս թռավ թունավոր կանաչ օձը՝ իբրև դիպուկ նետված փետրագնդակ:
Իբրև սուրացող շնաձկանը կպած խխունջներ՝ կառչել էինք վազող կենդանուց:
Լեռների ու բլուրների մեծ մասը՝ որպես հրաբխային ժայթքման զավակներ, վեր են նետված ստորերկրյա հզոր ուժերի կողմից:

4.Սխալ գրված բառերն ու բառակապակցությունները ուղղի՛ր: 
 Բացի աղջիկը, բոլորն ուզում էին ուրիշ քաղաք տեղափոխվել: - բացի աղջկանից
Սիրահարված եմ ձեր երկրի վրա: - երկրին
Հալվում, մաշվում էր հարազատ տան ու ընկերների կարոտով: - կարոտից
Կարոտում էր անգամ իրենց փողոցի ծառերը: - ծառերին
Ի՞նչ է նշանակում ընկերությունը դավաճանել: - ընկերությանը
Խոսքը վերաբերվում է քեզ ու քո ցանկություններին: - վերաբերում է
Ինչպե՞ս ես վերաբերում նրանց: - վերաբերվում
Քույրս երրորդ դասարան է: - դասարանցի
Բաժակը ձեռքն էր, որ մտավ։ - բաժակը ձեռքին

Շատ լավ է տիրապետում անգլերենը: - անգլերենին
Բացի դա, ազատ ժամանակն ու արձակուրդն անցկացնում էր պրոֆեսորին ոչ սազական եղանակով: - բացի դրանից
Մուգ ակնոցներիդ պատճառով աչքերդ չեմ տեսնում: - ակնոցիդ